夏文汐(目及)中黎諾懿 小生中至突出

演員夏文汐、林夏薇、黎諾懿、韓馬利及黃長興等，昨日在將軍澳電視城為無綫新劇《逆緣》（暫名）試造型。夏文汐與黎諾懿有感情線，黎諾懿則指自己角色關係混亂。夏文汐說：「角色詳情要保持神秘，唔講得住。」

夏文汐自爆因看過節目而希望與黎諾懿做拍檔，但就一直冇開口要求，豈料最後竟成真，她說：「之前睇電視見到黎諾懿，開頭唔知佢係邊個，只係覺得呢個男仔好掂，點知兩個星期後監製就打嚟話係佢做，真係好有緣。」又大讚黎諾懿在無綫小生中很突出，有氣質。黎諾懿聞言笑說：「咁掂啦，你記得同樂小姐講喎。」

寶藥黨上身力sell

夏文汐透露今次拍劇因樂易玲邀請及獲度身訂造劇本，要求每日最多開工十二小時，以保持狀態，她說：「我以前拍電影，冇咁多對白，依家要狂咪劇本準備，之前拍ViuTV輕鬆好多，今次唔輕鬆。」黎諾懿笑說：「TVB拍劇出名好輕鬆，每日拍八個鐘，我覺得自己好似寶藥黨咁。」

黎諾懿寶藥黨上身，力sell無綫拍劇輕鬆。	林夏薇努力練習劇中的日文對白。	夏文汐與黎諾懿未開拍先互笠高帽。

林夏薇講日文對白

林夏薇指劇中夏文汐飾演其姨母，有不少對手戲，昨日兩人首次見面，她說：「心情好緊張，見到女神嘛。佢好nice、好有氣質。」劇中要講日文的林夏薇指現時大有進步，不再讀到腦閉塞。

文：影視組