冇同王浩信拍過拖 陳法拉重申係老友

藝人陳法拉昨日與宋熙年出席活動，提到法拉被指曾與王浩信拍拖，問是否有份演出其微電影？她說：「冇，入行識，係識咗好多年嘅老友，同佢以前一齊主持過國語台。（點解傳你哋拍拖？）可能佢有劇上，有話題。」她又指微電影下星期到紐約及歐洲拍攝，飾演其父親的是圈中前輩級，但要先賣關子。
陳法拉話未有結婚計劃。
陳法拉話未有結婚計劃。

提到被指使費大，有意回無綫拍劇搵銀，但卻獅子開大口，法拉說：「冇發生過，唔使擔心生活費，做學生冇乜使費，自己都儲咗好多婆仔錢。舊年無綫有搵我，但我冇時間，仲有一年畢業。」問到畢業後是否與法籍外交官男友結婚？她說：「唔知，同男友識咗年幾，係穩定期。（計劃結婚？）未，隨緣，互相了解中，仲有時間。（畢業返港？）未計劃，好劇本都會接，但學校唔畀我哋接外面演出。」

宋熙年笑言三隻手指是OK的意思。
  • 宋熙年笑言三隻手指是OK的意思。