藝人游學修日前被本報獨家拍到「踢拖」落街煲煙，期間將煙頭掟落地，游學修前晚與波友兼好友王宗堯出席運動品牌活動，兩人在迷你足球場內單對單「撕片」，結果宗堯勝出。
對於隨街掟煙頭，游學修即認錯兼道歉說：「對唔住，做咗唔好嘅榜樣，依家努力戒煙。」他否認被公司「照肺」：「公司好自主，總之唔會有下次。」由於他所住的地方有很多劏房，游學修否認住劏房：「唔係，私人嘢唔多講。」他透露平時與宗堯一齊踢波：「我同佢同一隊，大家係隊友。」記者笑指戒煙有助氣力，游學修再以「努力戒」回應。
