龍威武舞難度開騷禁爆粗

李龍基（左）與威利都是玩得之人，搞笑互窒當然少不免。

他們將於演唱會獻唱近50首經典歌曲：「我哋首首都當新歌唱，如果唔係就會hea唱。」威利稱日日排練，練到聲音有點沙啞。問到可會有特別嘉賓？他們笑言要先賣關子，因為是商業秘密。至於可會跳舞？李龍基稱跳舞對他們有很大難度，大AL即搞爛gag：「梗係有『武』（舞）啦，龍威『武』嘛，冇『武』就唔使唱。」威利則說：「今次個騷會同觀眾好close，好似開party咁，觀眾想跳舞都冇問題，係得一樣嘢有問題，就係講粗口！」

• 孫敬安（右）與太太盧敏儀（左）專誠探班，為「龍威武」打氣！

李龍基認超級巨星

問他們可會忍不住在台上講粗口？自認「爛口」的威利說：「但我忍到，我哋啲藝人好忍得，一off cam講咩都得。」再問三人之中是否他最粗口時，威利即改口說：「我哋三個都唔講嘅。」提到飛債問題，他們表示只負責唱歌，最重要是台上台下都開心：「希望帶番啲美麗嘅回憶畀香港人。」威利亦指最重要是健健康康，開開心心：「我哋呢個年紀唔通要做super star咩！」李龍基笑說：「我當自己係o架！」大AL再次搞爛gag說：「因為佢會唱嗰首歌叫《Superstar》。」

文、攝：音樂組