何佩瑜借醉攬吳卓羲

吳卓羲被撞破後即時O晒嘴。

恨再拍劇

事後Jeana讚吳卓羲有風度又幽默，問會否擔心傳緋聞？她笑說：「我哋行得正、企得正，企正馬路中間畀大家影喎！」談到今次「處女下海」拍劇，Jeana表示早前在金像獎派對認識無綫高層樂易玲，之後接到對方電話邀請拍劇時，自己開心得猶如中獎：「有咁嘅機會連六合彩都唔要，今次角色好有發揮。（拍劇拍出癮？）有得再拍梗係好！（樂小姐邀你長遠合作？）如果有一定考慮。」

吳卓羲今次「畀靚女爭」，他搞笑說：「以前係我爭人，邊有馬國明咁好艷福！（拍得辛苦嗎？）休息好夠，只係太多打戲，早幾日我同武師喺電車對打，對方倒轉碌落樓梯，傷到頸椎，好彩冇事，我就手瘀腳瘀，衫褲遮住嘅地方都有傷，依家瞓上床感覺軀殼唔屬於自己，但最緊要出嚟效果好。」

飲醉的Jeana向吳卓羲投懷送抱。

陳凱琳見何佩瑜與吳卓羲攬攬後勁傷心。