葉德嫻勸許鞍華戒煙

藝人葉德嫻（Deanie）、王菀之、歐錦棠及導演許鞍華等，前晚出席電影首映，Deanie雖然未有接受訪問，但在台上妙語連珠！阿棠踢爆Deanie曾在片場講有味笑話，她卻霸氣否認：「喺講嘢前，我想音響手足校一校啲音響，依家啲聲好困擾，啲聲校番實啲……依家好啲！」她指兩人於1999年合作後已有一段時間沒見面，有一次開工時閒談，她透露擔心已回鄉見男友的家務助理，阿棠提議她致電007（長途電話），她說：「咁我咪話『畀001（0.01避孕套）佢？』」Deanie轉頭又妙論年屆70歲的許鞍華，指對方如果肯戒煙，最少可多拍電影8至10年，令許鞍華略為尷尬！