李克勤加場票開賣歌迷晨早撲飛

李克勤將於9月3日至10日，假紅館舉行一連八場《李克勤慶祝成立30週年演唱會》，昨日公開發售三度加場、9月3日一場的門票，大批歌迷早已在其中一個售票處尖沙咀通利琴行排隊撲飛，短短兩小時後，最貴780元及最平280元門票火速售罄，主辦單位英皇發言人表示：「銷情好好，仲有小量480蚊門票，歌迷好開心，冇打嚟投訴搶唔到飛。」
克勤開演唱會三度加場，相信Fans都心滿意足！
克勤開演唱會三度加場，相信Fans都心滿意足！

克勤接受電話訪問時說：「好開心反應咁好！大家咁有心一早去撲飛，希望大家都買到想要嘅靚位飛！」他認為四度加場機會不大，因為紅館檔期已滿，並說：「開到八場都好滿足！」

大批歌迷晨早排隊撲飛，大部分門票火速售罄。
  • 大批歌迷晨早排隊撲飛，大部分門票火速售罄。