高海寧玩深水導彈巨胸炸Mon

由馬國明、佘詩曼、陳百祥及陳法蓉主演的無綫劇《賭城群英會》，除了以賭術及恩怨情仇做主線外，亦經常有春光無限的畫面，頭幾集已有高海寧扮女僕玩制服誘感，以及文凱玲（Connie）穿超短褲晒長腿兼疑似走光！前晚播出的一集繼續玩香艷，眾女連環晒胸器，令觀眾睇到流鼻血！

「爆E超蓮」激凸呵男友

擁有E Cup導彈的「爆E超蓮」鍾采羲（Iris）率先騷Big爆身材，飾演奸角的吳家樂遭父親李國麟責怪後，嬲爆爆搵女友Iris，穿深色連身內衣的Iris「準備就緒」呵番家樂，鏡頭不乏高炒其巨胸的鏡頭，其後家樂將她整個人抱起，兩人再瞓落梳化咀嘴！

鏡頭一轉，高Ling、文凱玲、馬國明、黃浩然及何浩文（Dominic）等去陳法蓉安排的別墅「避難」，眾人寓走佬於娛樂，高Ling及Connie穿上泳衣，與浩然及Dominic在泳池暢泳，兩女彈來彈去，令人睇到嘩嘩聲！鏡頭緊貼高Ling的34D導彈，由水底拍到上水面，猶如深水導彈，畫面超級震撼！猶記得當年高Ling的勁爆身材成為熱話，但她近年開始收起性感，這幕「巨胸炸鏡頭」，絕對值得Fans收藏回味！而高Ling早前表示為拍攝《賭》劇這場泳衣戲努力Keep Fit，身形是近年最瘦，果然Fit到漏油！

高海寧、文凱玲及鍾采羲（圖）劇中鬥晒「胸器」！

文凱玲

男角雞扒胸失色

未知是否擔心鏡頭太快觀眾睇唔切，四人戲水後再在池邊講對白，半裸的Dominic與浩然晒雞扒胸，但始終不及兩女的事業線搶鏡！此外，高Ling昨日上載一張花絮照，相中穿泳衣的她烏身晒W胸，後方的浩然及Dominic扮錫錫搶鏡，高Ling搞笑留言：「麻煩幫我P走他們！愛搶鏡的兩兄弟。」高Ling昨日受訪時說：「多謝大家咁支持套劇，拍嗰陣都冇諗性唔性感，其實去泳池着泳衣好平常，最緊要大家鍾意睇就OK喇！不過我喺劇中都唔係咁多性感場面，係呢場泳衣戲同之前低胸搵教授一場，其他唔性感o架！反而我角色性格單純，感情路上有波折，係個悲情角色，大家多多留意啦！」

文：影視組