「翻版龐卓欣」Regina 韓式瀏海「鬼」咁靚…
變魔「髮」唔一定等於變靚啲，部分佳麗昨日變髮後即見跌Watt，比起早前面試時的Sharp醒樣明顯有出入！本身擁有長長髮蔭的「翻版龐卓欣」Regina Ho，散發出斯文少女味道，但換上韓味甚重的「空氣瀏海」後顯得有點累贅條條揈，甚有厲鬼感覺！變髮前擁有黑色短髮的Katrina甚有鄰家女孩感覺，但髮型師竟為她染上一頭啡金色，頓時增加幾分老氣，格格不入。
至於擁有古胴色肌膚的Angela Lau原本一頭黑色長長秀髮，雖然最終只是電曲頭髮，但比起未整前更加充滿南亞風情，變靚效果未見顯著。而已染了一頭啡色長髮的Emily今次改換上淺金髮色，整體感覺反而略嫌MK味道太重！
