GOT7浮誇冧港迷 Bam Bam夢想赤條條行MK

韓國男團GOT7前晚假亞洲國際博覽館舉行粉絲見面會，吸引大批粉絲捧場，香港成員Jackson的父母亦有撐場。七子以人氣歌曲《Fly》揭開序幕，又唱出快歌《Skyway》炒熱氣氛，再晒廣東話冧粉絲，其中Mark說：「香港！好耐冇見，大家掛住我哋嗎？」

在訪談環節上，問到覺得沒有甚麼不能生活？Jackson說：「爹哋同媽咪！6個真心朋友，同好多有翼嘅人！」暗指粉絲是他的天使。而問到若變成隱形人會做甚麼？泰國成員Bam Bam即搞笑地說：「我會除晒衫落旺角！」宥謙亦想剝光豬環遊世界，認真搞笑！

Jackson跳舞扮Sexy

他們又分組玩遊戲，蒙眼用錘仔扑對方的頭頂，又蒙眼畫出成員及粉絲的樣子，其中榮宰將面部及身體畫在錯誤的地方，宥謙則用水彩畫出抽象畫，被指是畢加索再降臨，非常爆笑！輸了的成員要受罰，Bam Bam抽到要扮Emoji表情，宥謙則要跳性感舞，Jackson亦被要求跳埋一份，他即跳出性感舞蹈，令台下叫到拆天！

其後七子唱出陳奕迅的廣東歌《浮誇》，雖然發音未算非常標準，但誠意十足！Jackson又關心正在考試的粉絲：「我覺得讀書唔勁唔代表你冇前途，最重要係你有夢想，唔半途而廢！」又搞笑地叮囑粉絲多吃有營養的食物：「如果唔係就好似我咁，得1米74！」他們又表示很快會再來港見粉絲，約定下次演唱會見。完騷後，他們到荃灣一間餐廳慶功，然後拉隊於昨日離港，Jackson則繼續留港陪父母。

文：外娛組