年屆60的麗的年代「第三屆歌王」盧維昌前晚因心臟病逝世，曾在亞視節目《陳潔靈今晚夜》中跟對方合唱過兩首英文歌的陳潔靈昨日接受訪問，坦言不知對方病逝，但會向盧維昌的家人作最深切慰問，她說：「係記者通知我話盧維昌過咗身先知，我好似唔識佢，之後有上YouTube查，睇到我同佢合唱嘅片尾曲，先記得28年前同佢合作。佢真係唱得好好，好有Power，英文咬字好正。」
