張家瑩為下半身幸福改名珮汶

張家瑩最近改名為張珮汶，由於關係到自己「下半身」幸福，考慮了一段時間後決定改名，Grace說：「我有個台灣朋友學易經，佢有個師傅，用我個名同生肖批算完後，就話我個名同八字唔夾，40歲後會影響我『下半身』嘅健康，我之前患過子宮頸細胞病變，個師傅係台灣人，完全唔識我又唔知我有過呢個病。咁我就搵番幫我屋企睇過風水嘅師傅，起初佢都唔贊成我改名，但睇埋我個八字，都建議我改，話對健康同事業都好！」

父母不介意

師傅提議了幾個名字給她選擇，Grace覺得「珮汶」順口又易記，後來有朋友提起歌手葉佩雯英文名亦叫Grace，笑言覺得很巧合，自己曾經也很喜歡葉佩雯，就決定改為「珮汶」，除了在社交平台改名，身份證及所有文件也正式改名。

昨晚Grace谷胸出席舞台製作公司舉行的周年晚宴，問到新名可會旺感情？她笑言：「感情不嬲都幾好。（改咗新名會唔會唔好？）唔關事！」她指舊名是爸爸改，改了新名後第一時間通知父母，他們也不介意。

葉佩雯	顏子菲中門大開，健康性感。	何紫綸騷美腿。

雷有輝嘲Ricky「夢醒」

同場還有顏子菲、何紫綸、太極樂隊成員鄧建明及雷有輝等，顏子菲以Deep V裙現身，問到可怕會曬親咪咪？她表示之前試過曬到有泳衣印，又說本打算着十年前第一次參加選美的大露背旗袍，但拿出來後發覺拉鏈竟然拉唔埋：「當年我18、19歲好瘦，可能依家大隻咗！」至於鄧建明及雷有輝對於隊友Ricky跟戴夢夢分手，兩人笑言沒有安慰對方，二人分手覺得可惜？他們說：「好難答，佢哋兩個嘅嘢等佢哋自己決定，希望佢哋開心，唔好嗌交。」抵死的雷有輝更笑言可以唱番首《夢醒時分》，總之夢發完就醒！

鄧建明（右）及雷有輝未有安慰失戀隊友Ricky。

Ricky

文：名人組、音樂組