周柏豪轉唱片公司
歌手周柏豪昨日出席超級市場舉行的活動，自認怕蝕底的他透露有儲積分習慣：「乜分都儲，有時換吓機票同換分捐錢。」提到柏豪是衞生巾代言人，他坦言未試過為太太買女性用品，記者即笑問他有否到超市買安全套？柏豪以「私人嘢唔話畀你聽」作回應。
今日約滿華納唱片公司的柏豪，被問是否簽約hmv做Celine爸譚順生師弟？柏豪不置可否說：「遲啲有公布。（做譚順生師弟可以去佢間唱歌學校學唱歌？）幸會。」
柏豪表示與蔡卓妍主演的電影《原諒他77次》票房已過千萬，內地票房亦有三千萬：「差唔多半億，好好成績。」