麥美恩望張寶欣贏幫家姐「報仇」

林盛斌（Bob）與麥美恩昨日亮相港姐複選，為Big Big Channel拍攝幕後花絮。Bob讚今屆佳麗質素高，取笑選美出身的麥美恩：「好在佢早幾年選，如果今年參加應該入唔到圍！」麥美恩見到一班準師妹，令她回想當年參選：「好多以前嘅回憶返晒嚟！係落選回憶！我都有留意大熱佳麗Kelly，話有仙氣個姑姑嘛！見佢真人好大方、得體又上鏡，網上投票會有優勢。」她又指留意到前港姐張寶兒的妹妹張寶欣參選，指兩姊妹似足餅印：「不過感覺好唔同，家姐好爽，妹妹就嬌小玲瓏好似好怕醜咁，希望個妹贏，幫家姐拎番啲成績。」