湛琪清「日」食五餐肥6磅

經常出埠四圍去的汪詩詩表妹湛琪清（Jessica）早前與友人到日本東京旅行，自爆原來首次踏足日本，身邊朋友亦難以置信，她說：「雖然我經常離港，但都係返美國探婆婆，其他地方好少去！原本想過去日本，但當時媽咪唔畀話驚有輻射。我有朋友喺當地住，所以今次順便去搵佢，帶我哋周圍去玩。」首度見識日本，Jessica最開心是歎盡美食，事前做足資料搜集，甚至早兩個月訂枱，所以餐餐飽嘗美食，最誇張更日食五餐！四日旅程後，她坦言回港上磅後發覺肥了六磅：「去之前已經節食，因為要留位去日本勁食，依家要好好減肥，唔可以再暴飲暴食。」