胡梓盈酷熱拍MV媽咪做阿四
童星胡梓盈（Keicy）與三位小朋友組成的兒童組合「Idol Junior」，日前在戶外拍攝新歌MV。Keicy透露由復活節假開始已不停練舞，雖然在烈日下拍攝五小時勁辛苦，但一班小朋友玩得不亦樂乎，又踏單車又周圍跑，實行寓工作於娛樂。
當日氣溫逾30度，Keicy的媽咪做足消暑準備以防女兒中暑，她說：「我帶咗幾把風扇仔但都用到冇電！又帶咗冰毛巾同幾件衫畀Keicy替換。現場小朋友忙住拍MV，我哋啲家長就忙住幫小朋友擔遮，隔半個鐘又幫佢哋補太陽油同蚊怕水，所以做家長都好唔得閒！」平時甚少吃雪糕及雪條的Keicy拍到身水身汗但依然合作又聽話，獲媽咪獎勵在一日內破例食兩支雪條！
