有「香港小巨肺」之稱的9歲譚芷昀（Celine）早前因參加美國著名才藝比賽《全美一叮》（America's Got Talent）的選拔賽一夜成名，於香港時間昨晨在美國播出賽事足本版，四位評判對Celine的演出一致「Say Yes」，成為首位「港妹」成功晉級該節目，更遇上同齡勁敵！而Celine的預告片至今已有接近6,000萬次瀏覽紀錄。
《全美一叮》於香港時間昨晨播出最新一集，Celine在演出後，獲四位評判一致大讚Say Yes，讓她順利晉級下一輪賽事。Celine昨日透過社交網上載一家四口合照，並發文：「I'm through to the next round, thank you all for the support！（我成功晉級啦，多謝大家支持！）」評判之一Howie Mandel在社交網Twitter大讚Celine：「我真係停唔到咁微笑。神奇嘅演出！」Celine亦回應：「我好開心評判鍾意我嘅表演，我等唔切要再上節目表演！」
從賽事的足本版所見，Celine精彩演唱完《My Heart Will Go On》後，以流利英語跟評判對答約半分鐘，評判Simon Cowell第一個發言，笑問Celine：「我想知道，顯然唱歌嗰個唔係你，到底係邊個唱？」Celine即自信指着自己說：「係我！」引起全場笑聲。Simon再笑問：「真係你？你冇講笑？冇人企喺幕後面？百分百係你？OK，咁樣你真係好勁！」另一評判前德國超模Heidi Klum亦激讚Celine不但唱得好，亦好靚女，Celine亦識做說：「你都好靚！」冧到Heidi向她送飛吻，Celine亦禮尚往來回贈飛吻。
節目播出後，Celine開心說：「我依家好開心，四個judge（評判）畀我四個Yes，我會繼續努力！」其父譚順生（Steve）說：「喺電視睇完，同上次喺後台睇嘅感覺好唔同，上次心情好緊張，今日睇到Celine進步咗長大咗，自己識同評判對答。喺過程中，遇到好多勁人，佢哋亦付出好多，Celine要喺佢哋身上學習，所以下一round要做好準備，集中精神做好自己，希望為香港爭光。」
正如Steve所講，Celine對手強勁，當中來自阿特蘭大同樣9歲的小妹妹黑爾（Angelica Hale）同樣晉級，兩人將是勁敵。而自上周《全美一叮》的官方facebook及YouTube播出Celine演唱《My Heart Will Go On》的預告片，6天就有接近6,000萬瀏覽人次，相當誇張。
文：音樂組