歌手楊千嬅與老公丁子高、陳奕迅（Eason）與太太徐濠縈、鍾鎮濤（阿B ）與老婆范姜及著名女高音歌唱家Renée Fleming等昨日出席領賢慈善基金舉辦「World In Tune 韻樂盛世」慈善晚宴，千嬅表示因要裝修兒子房間，老公又好忙成日要飛，自己一腳踢：「七點鐘送返學，做家務，一陣返去要通宵執嘢，因為要裝修囝囝間房，以前係BB房。」問到丁子高如何慰勞老婆？千嬅即時搶答：「你唔使咁驚喎，你上次扮鬼扮聲嚇我，話冇飛機返嚟！」丁子高解釋：「因為囝囝同佢瞓我又唔想嘈醒個仔，凌晨三點幾，就用燈照醒佢（楊千嬅），佢以為係賊，我之後叫個仔去番自己房瞓。」提到她的演唱會，她透露會有好消息，場數等公司安排，自己量力而為，不會擔心。