莊思明欣賞李蕙敏歌喉
藝人莊思明昨日出席郵輪開幕剪綵，又為大會進行擊鼓儀式。她透露正忙於錄製新單曲，希望在8月推出，另外會在7月與不同單位合作在九展舉行音樂會，但不會唱新歌：「音樂會主題係集體回憶，會唱唔同年代嘅K歌。」又表示自己在2000年代成長，但平時愛聽80、90年代歌曲，特別是李蕙敏：「我覺得佢把聲好特別，沙沙哋好有感覺。」
而同場的盧海鵬則上台獻唱2首歌，並表示已沒再拍電視劇，事後被問有沒有電視台找他拍劇？他笑言：「有！但我唔撈咋嘛。（拍電影舒服啲？）唔係話舒唔舒服，本來就退休，但冇嘢做好似唔係幾好，所以拍吓電影，唱吓歌。（搵細藝過日辰？）唔使冇嘢做坐喺度嘛，咁好快死o架。」