高海寧女僕誘惑何浩文露點搶收視
「無綫咪神」高海寧於新劇以性感女僕look登場，拋胸露背夠晒養眼！至於拍檔「鴨王」何浩文亦不遑多讓，上演一場露兩點的沖涼戲，成功為劇集搶得高收視。
無綫劇《賭城群英會》前晚首播，高海寧（高Ling）化身性感女僕，又露胸又晒背，造型非常誘人，惹來網民熱議！高Ling昨日接受電話訪問時多謝網民支持，並透露稍後除了有游水戲外，更會扮學生妹查案，相信男粉絲必定期待！
「鴨王」新嘗試
至於何浩文亦於《賭》劇大晒健碩身形，露兩點出浴。他笑言今次角色與電影《鴨王》有很大分別：「兩個角色性格都唔同，相同之處可能兩個角色都係我演，所以大家覺得有啲一樣。不過《賭》劇嘅『瀟灑哥』比較調皮啲，有啲小聰明，《鴨王》嘅『何巨峯』比較沉實啲。《鴨王》我冇擺自己性格落去，但今次係我第一次拍劇，我諗住試啲新嘗試，擺少少性格入去，仔細睇其實係有啲對比。」問到有否刻意操肌？他說：「我記得突然之間停咗操，因為導演覺得我太大份。哈哈！好唔好我唔知，要睇觀眾鍾意嘅程度同口味。」
《賭》劇首集平均收視為25點（約162萬觀眾收看），最高收視26.2點（約170萬觀眾收看），成為今年首集收視亞軍，僅次年初播出的《乘勝狙擊》。
文：影視組