今年亦有「星級背景」參賽者上陣，最搶Fo的是去年「友誼小姐」張寶兒的妹妹張寶欣，兩姊妹同樣畢業於英國倫敦大學，笑容甚為相似。昨日寶兒護送妹妹到場，寶欣表示對面試亦有少許信心，原來兩姊妹更是互相提名。問到妹妹是否受其影響而參選，寶兒說：「覺得佢參加因為唔想後悔，佢都掙扎咗好耐。（畀貼士？）教佢點企得靚啲，我好男仔頭，妹妹就好女仔，佢着高踭鞋應該靚過我。（想妹入三甲？）要睇佢努力，佢企得出嚟參選已經好叻。」
此外，曾拍廣告的杜芷綾（Zoe）亦有來面試，她有份參演《宮心計2深宮計》，社交網亦分享不少與藝人合照。而香港先生丁子朗昨日出席活動時表示認識Zoe，更齊跟鍾景輝上戲劇課，麥明詩亦是同班同學，他說：「對佢有信心，我同佢講贏咗或者入到十強都要請我哋食飯。」