陳家樂急凍逆齡做黎耀祥爺爺

無綫劇集《逆緣》演員黎耀祥、姜大偉、林夏薇、陳家樂及陳山聰等，昨日在將軍澳電視城試造型，首次拍無綫劇的夏文汐因工作缺席，七月初才歸隊。陳家樂、黎耀祥與姜大偉於劇中飾演三爺孫，家樂在抗日戰爭時被急凍進行實驗，到解凍後與兒子姜大偉及孫兒黎耀祥逆齡重逢。

半年後重投劇組的黎耀祥讚故事有創意，估不到有個「急凍爺爺」。問到久休後再拍劇會否不習慣？他說：「唔會，我哋木人巷出嚟o架，休養半年後再拍劇，係有啲新體驗。今次對手係夏文汐、家樂同山聰，都係第一次合作，有新鮮感。」他又稱與夏文汐有複雜、神秘的關係。

十年前拍過《當四葉草碰上劍尖時》的家樂坦言，今次正式第一次拍無綫劇：「未試過開廠對住三部機，好緊張，今次拍劇都推咗啲電影。（損失幾多？）冇損失，係時間撞咗，決定揀TVB劇。」而林夏薇在劇中飾演中日混血兒，有不少講日文的戲份，她笑言已找日文老師學習，現在滿腦子也是日文，頭好像快要爆開。

文：影視組