單文柔被爆大肚？ 陳展鵬：冷靜啲！
單文柔日前出席活動後，有人於網上及向本報爆料，並附上單文柔活動時穿鬆身褲肚凸凸照片，指她懷孕。陳展鵬接受本報訪問時即維護她說：「大家冷靜啲，唔好出言惡意攻擊，尊重我嘅人，都希望會尊重我身邊嘅朋友、同事。」
此外，被指已進駐男方寓所的單文柔，前日出席活動後，單拖坐租車到尖沙咀，見她走到大型書店內行逛，睇書之餘，不忘睇家居擺設，似乎想為愛巢布置一番，期間不時低頭撳電話，但終於揀唔啱心水，只買了一些天然護膚品。其後再轉往附近睇太陽眼鏡，她亦有埋鏡試戴，不過最終齋睇冇幫襯。