周嘉莉釀花菇鬧「蝦」碌笑料
向來淡定斯文的周嘉莉（Rachel），原來鮮有入廚，不過為了東網巨星觀眾，Rachel義不容辭搜羅快靚正菜式。今集《星級煮意~鍾菜．鍾廚》，她炮製了一味超級簡單的菜式「蝦膠釀花菇」，拍攝前雖然有點雞手鴨腳，但一面對鏡頭即刻「淡定有錢剩」，有板有眼！Rachel表示食過最喜歡的味道，並非甚麼山珍海錯，而是外婆親手煲的番茄薯仔湯！
Rachel為東網巨星新節目《星級煮意～鍾菜．鍾廚》任嘉賓，雖然下廚經驗甚少，五隻手指數得晒，但她悉力以赴，為大家搜羅了一道非常簡單的菜式「蝦膠釀花菇」！這味餸材料簡單，做法非常簡便，先浸軟冬菇，下鹽略醃，蝦膠在街市買現成的，她說：「用鮮蝦打蝦膠係幾難，所以喺街市買現成嘅就最方便，我會落少少胡椒粉辟吓啲腥味。」
婆婆靚湯最好味
至於釀花菇的心得，她笑說：「最緊要係水，因為啲蝦膠好黐手同匙羹，但用少少水濕吓匙羹同手，就會易釀好多！」
Rachel對煮食知識相當有限，在搜集食譜時一度以為「蝦膠釀花菇」是把花菇成隻釀入蝦膠，相當搞笑！談到入廚趣事，她笑說：「記得有次想煎牛扒畀屋企人食，點知煎唔熟，再用焗爐焗，結果熟過龍食唔到，要叫外賣！」
煮食最重要的是味道，問到嘗過最難忘的味道？她笑說：「我最喜歡飲婆婆整嘅番茄薯仔湯，雖然唔係乜嘢特別湯水，但呢種味道對我嚟講係最好味，所以我好鍾意去婆婆度飲湯。」
邦師傅讚聰明
入廚22年的「鍾菜．鍾廚」邦師傅讚Rachel很聰明，懂得用最簡單的方法炮製美食。為了讓大家學識整「專業版」的蝦膠，邦師傅即席示範製作蝦膠的方法，先以刀身拍爛蝦仁，再將蝦仁剁碎，如果鍾意有蝦肉的話，就不要剁太碎，視乎個人口感而定，再加鹽及胡椒粉作調味，之後將蝦打到起膠再加生粉。想學吓Rachel整「蝦膠釀花菇」，或者欣賞陶大宇、陳嘉桓等數十紅星親自下廚教煮家常小菜，一定要留意周一及周四更新的《星級煮意》，大家可以在東網App和東網網頁隨時隨地收看及重溫。
文：影視組
攝：吳文聰
場地：鍾菜 赤柱廣場308舖
https://goo.gl/Vb7CHS