張紋嘉扮學生妹自嘲難頂

前組合HotCha成員張紋嘉（Crystal）日前拍攝新歌《少女的球鞋》新MV，31歲的她要穿校服扮15歲學生妹，令她大叫「難頂」。昨日她在電話中表示：「我都快32歲啦，好在個樣都呃到人，雖然好多人話做呢行有童顏好，但我覺得令接角色有局限。」她又稱自從和星娛樂唱片公司滿約回復自由身後，最近忙於試鏡，試過被電影公司要求她穿三點式泳衣試鏡：「聽到話着一件頭泳衣去面試都唔得。（係咪西片？）如果係拍西片都可以接受製作人思想比較開放，但對方係香港人，同埋佢哋搵我演性感角色都搵錯人啦，我都冇身材。」