兒子女友曝光戚美珍讚乖
藝人苗僑偉（三哥）昨日59歲生日，親友為他大搞派對賀壽，三哥兒子苗晉、太太戚美珍、曾志偉、張兆輝夫婦、謝天華夫婦等在晚上7時開始陸續到場。派對舉行期間，苗晉突然步出大廈接待一名異性，原來是其女友Jasmine，她帶着一支茅台酒到來送給三哥，但當時苗晉未有承認Jasmine是女友。
管接管送
大約晚上11時30分，三哥的好友們陸續離開。派對尾聲，體貼的苗晉知道天雨路滑，立即展現出紳士風度，護送女友Jasmine搭乘的士離開，管接管送，果然是廿四孝男朋友。戚美珍受訪時表示苗晉女友Jasmine好乖：「好好呀，年輕人拍拖係好個人嘅事，我哋都冇咩意見，佢哋一齊喺加拿大讀書，好乖。」另外，佘詩曼早前生日玩直播，爆謝天華太太Tina有秘密唔講得，暗示有喜。前晚Tina穿鬆身裙肚凸凸到場，孕味極濃！對於老婆傳有孕，天華受訪時笑言:「有冇睇錯咗呀？我就肚凸凸，我就食肥咗！」
文：名人組