歌手菊梓喬（Hana）昨日接受電台訪問，透露為慶祝出道一周年，將於7月舉行首個歌迷聚會，更親自準備了福袋送給歌迷，包括親自設計的明信片、襟章、八達通套及T恤等產品，屆時亦會同歌迷大玩遊戲。
Hana指11月會推出新專輯，現時忙於揀歌，又笑言等到流口水，問到會否覺得威脅到師姐吳若希的地位，她說：「唔可以咁講，佢係永遠嘅一姐。（你唔會突然大肚？）喺呢個世代好難，冇信心畀到最好嘅嘢佢，唔關老闆事。」