袁澧林眼神交足戲
「文青女神」袁澧林（Angela）前晚與澳門歌手彭永琛（Sean）、吳崇銘（King@C AllStar）及李任燊到尖沙咀天星碼頭作街頭音樂表演，適逢父親節，眾人獻唱《單車》、《天梯》與電影主題曲等多首歌。
Angela以一身文青Look配木結他，仙氣大爆發！問到有否接觸過唱歌？她笑說：「都係我嘅興趣，細個係屋企人要我去學，後來讀書時自己學木結他，都識自彈自唱，但公開表演算係頭幾次。」談到被封文青女神，Angela謙稱是大家畀面，而拍檔Sean被問到文青女神這類型是否吸引？他笑說：「梗係吸引啦！『文青女神』呢個稱號真係好虛無，但作為演員佢真係好好戲o架，特別係眼神。（好戲定仙氣？）仙氣都有嘅，我就汗氣，辛苦咗佢！」