方皓玟禁老公造人
歌手林欣彤（Mag）昨日與方皓玟、小肥出席活動，對於近日網上瘋傳年初在頒獎禮上無視張敬軒及許廷鏗握手片，Mag解釋：「冇無視佢哋，我係好驚全場好似等我握手咁，所以只係同佢哋鞠躬，冇見到佢哋遞手。（唔驚軒仔嬲？）佢好似話會報復，好緊張，不過又好期待。」
剛榮升人妻的方皓玟坦言為日籍老公特登學日文，但暫時以英文溝通，問到會否努力造人？她說：「10月會開騷，諗都唔敢諗，受咗人俸祿，要守行為，我不嬲做人都好檢點，非常遵守交通規則，大家唔使擔心，到時我可以載歌載舞。（長期紅燈？）唔會長期嘅，大家有共識，始終表演要專業，要謹慎啲。」