陳山聰未夠班教舞獅
藝人陳山聰昨日於銅鑼灣為醒獅活動擔任壓軸嘉賓，哥哥陳山海亦有落場，獲太太Sophie，以及藝人林夏薇帶埋老公撐場。陳山聰舞獅時十分認真，獅頭獅尾兩邊走，薇薇就化身攝影師為他拍照留念。山聰表示郭政鴻因身在上海未能趕回來演出。
一直支持醒獅活動的山聰，想將醒獅帶到世界各地，問可有想過教醒獅？他說：「唔會啦，一來冇時間，二來我又唔係師傅級，有朋友想學就介紹佢哋去姜偉池（著名醒獅師傅）度學！」談到父親節，他笑說：「以為唔關我事，但一早收到郭政鴻兩個囡囡嘅短片，祝我父親節快樂，係佢哋主動叫媽媽幫手拍o架！（郭政鴻喺上海慶祝唔到父親節？）佢今晚先趕到返嚟，應該可同屋企人食飯！」