高海寧人生最弗 減磅晒水着
「無綫咪神」高海寧於新劇有場性感泳裝出水芙蓉戲份，但原來是背後付出三個月減肥得來的成果，昨日她現身宣傳時，笑指該劇乃人生以來最弗的作品，身形比當年選港姐時更清減。
藝人謝賢、劉兆銘、陳百祥（阿叻）等昨日率領陳法蓉、高海寧（高Ling）、黃浩然等為無綫新劇《賭城群英會》造勢，有份參與的佘詩曼與馬國明因有工作在身缺席，但有拍片支持，而無綫高層杜之克就聯同監製王晶主持啟播儀式。
阿叻加戲咀法蓉
活動期間播放片花，有幕高Ling穿上性感泳裝，於泳池上演出水芙蓉戲份，高Ling透露原定該場戲於開拍沒多久便要拍，但最終因場地問題延至外景尾段才拍攝：「我不斷跑步，又食烚蛋、烚菜，點知啲景係咁Delay，搞到成三個月後先拍到，所以我減足咁耐，絕對係人生最弗嘅一套劇，身形仲瘦過選港姐嗰時。」高Ling指另外有場戲要穿女僕裝，亦因身形瘦了而要改衫：「但到依家又肥番晒，要再減過。」
與阿叻有感情線的法蓉則透露雙方有咀戲，但搞笑為主，更指阿叻試過爆肚突然加插咀戲，令其未能反應過來。對於阿叻另一半黃杏秀每日往監場，法蓉坦言不感尷尬，皆因對方是劇組上下的飲食大臣，即使劇本及服飾方面也會提供意見，非常友善。
與鄧智偉前後腳
至於已有35年沒有拍無綫劇的謝賢，就「投訴」拍攝時經常遭阿叻整蠱；劉兆銘對於與謝賢再度合作卻大玩幽默，指從小看對方演出，當時已覺得對方驕傲、牙擦、風流倜儻兼懶醒。
活動後，高Ling晚上再出動，與鄧智偉前後腳出席苗僑偉的生日會，雖然兩人已是公開一對，但仍顯得避忌。鄧智偉與女子組合As One成員吳思佳到達後，數分鐘高Ling才獨自現身，問到「前後腳」？她說：「係咩？唔好意思，我搵緊門口。」
文：影視組