年紀輕輕的Celine在選拔賽表現一鳴驚人，事後獲外國網友一面倒讚賞，香港網友亦大多「畀Like」以示支持，但仍有小部分網民留言批評，當中有人指她「冇晒童真」、「唱得毫無感情」，又被指「畀父母逼上台做搖錢樹」，似乎有雞蛋裏挑骨頭的感覺。
「十優港姐」麥明詩（Louisa）前晚在社交網撰文力撐Celine，認為各方都應該給予支持及鼓勵：「評判都拍爛手掌，點解我哋唔可以講句加油？」她昨日接受電話訪問時補充：「佢代表香港參賽，點解香港人唔鼓勵之餘，仲要挑剔佢？（覺得佢表現好好？）係，始終呢個係全球都會睇嘅大騷，佢技術好好，好多人，連我都冇呢個實力上去。（擔唔擔心9歲嘅佢會承受唔到呢個壓力？）唔知佢會唔會睇呢個Comment，但佢的確係一個好努力嘅女仔，如果好似網友講被父母逼去參賽，咁應該會好唔鍾意，唔會表現得咁好。」