陳詩欣家有甩繩狗識聽訴苦

歌手陳詩欣（Eunice）養有一隻兩個月大貓女及一隻2歲大狗仔，其中貓女「九菜」是朋友送贈，以「絕頂曳」來形容牠：「見佢困籠好慘咪放佢上床，點知自己跳落床之後唔係好郁，第二日帶佢睇醫生，照咗X光又冇事，只係摸到佢就會痛，依家已經好番，真係畀佢激死。」狗仔Harrow則是唐狗，Eunice以「自由奔放」形容牠：「帶佢行山一放繩就係咁跑，雖然佢叫唔停但佢好醒目，一叫拜拜佢跑到幾遠都跑返番嚟。」問到會否試過唔開心時攬住貓狗喊？Eunice說：「工作上唔開心就好鍾意對住佢哋不斷呻，佢哋會好安靜陪住我隔籬。Harrow好有耐性聽，我呻幾耐佢都坐喺我面前。（會大細超？）唔會，當然Harrow識氹我多啲，好似我開門入屋，佢第一時間接我，九菜係唔會。」