Twins戲院包場睇住粉絲喊

Twins近日四出宣傳新片《原諒他77次》，日前抽空出席新歌《失約》MV全球首播，由於Twins特別選在戲院舉行，故吸引數百歌迷在官網登記參加。有歌迷為霸好位，於活動前一小時排隊。首次包場睇MV的Twins坦言感覺新奇，蔡卓妍（阿Sa）說：「以往用手機或電視機睇MV，最多幾個人一齊睇，戲院銀幕大，人數可以多好多，跟住情節睇到大家反應，同埋知道邊部分大家會笑同喊，感覺好真實。」

內地歌迷專程來港

由於戲院座位有限，部分未被選中的歌迷表示很失望。愛錫歌迷的Twins表示：「今次都算係全球首播，公司話報名人數相當熱烈，仲有內地歌迷專程來港參加，始終因名額有限，冇被選中嘅朋友要等多陣，新歌下星期就會派台。」

祖兒在派對上不停跳舞。	劉浩龍（右）與陳奕迅合唱。（黑白畫面）	壽星女祖兒（左）開心地攬實阿嬌。

劉浩龍唱歌賀祖兒生日

另外，昨日37歲生日的容祖兒前晚舉行生日派對，男友劉浩龍、陳奕迅（Eason）夫婦及Twins均有出席。徐濠縈前晚在社交網上載三條派對上的短片，見劉浩龍搭住Eason唱歌，Twins亦分別上載與壽星女的合照，玩到盡興的祖兒在派對上不停跳舞。

文：音樂組