香香做阿四賀君馨證未有餡

藝人岑麗香昨日出席活動，透露要為電視劇飛葡萄牙拍外景，幸趕得及7月11日回來參加好姊妹王君馨婚宴：「我準備定一條裙，預咗嗰日要做阿四，之前佢喺紐約結婚我冇去到，畀人問我係咪大肚，但我可以話係冇！（老公強強會唔會一齊去婚禮？）睇佢喺唔喺香港啦，我嗰日都會好忙，陪唔到佢。」姊妹們相繼榮升人妻，會否鬥快做人母？香香笑言順其自然，現時「處女黨」只欠苟芸慧未婚，她笑指君馨當日要拋花球給苟姑娘催婚呢！