布偉傑婚宴反傳統冇翅酒

在無綫劇集《同事三分親》中飾演「阿一」的藝人布偉傑，與拍拖三年的化妝師女友Celia上月20日在美國註冊結婚，二人昨日於科學園筵開25席喜宴，姜皓文夫婦、趙哲妤、陳明恩及河國榮等道賀。

老婆嘲返鄉下蜜月

新郎哥受訪時先深情錫錫性感新娘子，場面溫馨！問到蜜月安排時，布偉傑指工作多要押後，還搞笑自爆被老婆揶揄「返鄉下」度蜜月：「我之前同太太講去美國度蜜月，佢笑我去美國唔係度蜜月，係返鄉下喎！我可能趁10月喺泰國工作，順便度蜜月。」今次他反傳統大搞無酒無翅婚宴，酒席不設魚翅及乳豬，「阿一」說：「今日冇接新娘儀式，太太係化妝師，佢成日化新娘妝。自己就成日做婚禮司儀，所以覺得厭倦。今日好反傳統，菜單同傳統好唔同，冇乳豬、翅，仲因為宗教關係冇提供酒！」

陳明恩（左）、趙哲妤（右）祝賀新人。	甜蜜咀嘴	姜皓文與太太金慧英恩愛出席。

退休計劃移居檳城

攜眷飲宴的姜皓文對無酒無翅大表支持，大讚夠晒環保：「婚宴唔一定要飲酒先高興，冇酒一樣都可以好開心！」透露剛拍畢一部電影，正休假中，接下來數月要完成兩部新片。問何時才放假？他說：「每年10月都會留畀太太過二人世界，慶祝結婚周年。」又透露打算退休之後到馬來西亞檳城生活：「我哋愈嚟愈鍾意呢個地方，將來退休可能會過去，今次先去睇睇環境。」至於趙哲妤為新人送上金飯碗及金筷子，寓意豐衣足食、成雙成對，而陳明恩就送家居用品給新人。

文：影視組