湛琪清下廚朋友嫌棄

汪詩詩表妹湛琪清前日出席高級廚具陳列室開幕酒會，她自言喜愛下廚：「家姐同男朋友都會話好食，但啲朋友會叫我唔好再整！」她又稱父親節會與家姐共度：「因為家姐嚟緊結婚，佢會過去倫敦，我都會陪住佢。（擔唔擔心佢？）會呀，佢呢個月就會搬，我好唔捨得佢，會好掛住佢。」同場還有名人周國豐與太太黃泳霖，周國豐表示父親節會帶兩個小朋友去「鋸扒」，並指小朋友開始放暑假，計劃一家到外地旅遊。