整蠱衛詩雅張繼聰遭「夾刑」伺候
藝人張繼聰與衛詩雅合作拍攝電影《女人永遠是對的》，二人首次合作就演情侶。阿聰大讚檳城風光如畫，在當地拍攝時舒服得似度假，詩雅卻大唱反調，大呻拍得很辛苦，皆因阿聰經常整蠱她：「例如我要拍認真嘅喊戲，佢都繼續喺身邊搞笑，所以我好辛苦，好難拍！我好認真做緊，佢就喺度做Slow motion，鏡頭拍住我又唔笑得！」
阿聰笑言有整蠱詩雅，但已得到「大懲罰」，透露劇組出動真蟹「伺候」他：「有一幕要拍到隻蟹鉗我腳趾，佢哋搵隻真嘅蟹嚟，仲整嬲隻蟹，令佢真係夾我！幾痛o架，不過忍住。（有冇出血？）少少啫。」他透露在片中全憑赤子之心抱得美人歸，詩雅坦言很受落，現實中同樣想覓得簡單的另一半：「可能兜兜轉轉，都係想搵一個令自己笑嘅人。（阿聰話談情戲似搵番初戀？）係呀！我哋好怕醜咁，好好笑。」
場地：銅鑼灣Mira moon hotel
衛詩雅髮型及化妝：Sing Tam（pi4.com.hk）、Cyrus Lee
衛詩雅服裝：Max & Co.