33C張曦雯被撩車震

擁33C上圍的張曦雯（Kelly）向來不吝嗇天賦本錢，早前到毛里裘斯拍攝無綫節目《3日2夜》時大晒火辣水着照，成為焦點！昨日她再在社交網騷身材，相中雖然未見其深長事業線，但見她穿泳褲大晒長腿及翹臀！

晒身材小兒科

性感照大獲好評的Kelly昨午偕填詞人林敏驄到九龍塘出席汽車活動，並穿上紅色低胸露背高衩連身裙繼續騷弗爆身材，吸引在場人士影個不停！期間阿驄狂放笑彈調戲Kelly，擔任司儀的Kelly表示欣賞汽車的USB設備，阿驄即大講黃色笑話：「你鍾意得閒畀人插吓？前又得、後又得。」Kelly笑說：「我去插人呀！」阿驄聞言說：「咁你要變性先得！」Kelly表示：「我係話要叉電！」但阿驄窮追不捨，再說：「我幫你叉電咪得囉！」其後又撩俄羅斯女模車震，笑爆全場！

未夠喉？Kelly出席活動時繼續晒身材，前後都咁有睇頭！	放大圖片	口花花的林敏驄調戲完Kelly，又撩女模車震。

受訪時，Kelly笑言早有心理準備會被阿驄玩，一於以傻笑應付。性感上陣的她表示不怕走光，反而擔心服飾不合身，所以活動前未有吃飯。提到上載性感照，她說：「都唔係好性感，普通喺戶外曬太陽，可能香港文化保守。（你留言話冇P圖或者用Filter？）係呀！只係用自然太陽光，網上好多P圖，想畀大家睇啲自然啲嘅。（有冇人搵你出寫真？）冇喎！我又唔係特別想出，希望有相片嘅自主權。」

提到在活動上多次出言調戲Kelly，阿驄笑說：「架車大吖嘛！放埋床都唔覺。（咁你鍾意邊個？）兩個打孖嚟，Kelly好似好惡咁，但口才幾好，有啲口技！」問到俄羅斯女模是否合他口味？他笑說：「呢啲睇餸食飯，睇吓早餐定晚餐。（依家仲鍾意異國風情？）呢排係休息風情，啱啱開完騷仲咳緊，鬆一口氣，要抖吓。」

林敏驄心思思「添食」

提及早前開騷發生舞台倒塌意外，阿驄表示有慰問受傷的蔡一智，但未有時間探望對方：「到我散晒，要抖一星期，班舞蹈員都出咗院，遲啲要再合作。（開Part 2？）有意思嘅，但要睇紅館期，又要同鄭中基開Talk show，李思捷又話要同我搞騷，入到紙先算。」不少Fans對於譚詠麟（阿倫）未有現身演唱會感失望，他說：「阿倫話如果加到場，8號可以到，因為9號、10號接咗個杭州表演，佢都想嚟，不過算啦！可能加咗場佢喺個台度冧咗仲大鑊，呢啲係天意！」

文：影視組