兩仔爺鬥一番！王敏德搭路幫囝囝星呢
藝人王敏德（Michael）與名模太太馬詩慧（Janet）育有三子女，長女王曼喜24歲，二女王麗嘉21歲，孻子王躍穎（Kadin）今年12月便踏入18歲成人禮，身高已超越父親的Kadin，笑言最想遺傳父親的靚樣多點。
明日是父親節，父子相約到健身室比試體能鬥舉重，Kadin年輕力壯明顯很輕鬆，反之Michael有點吃力，其後搞笑地變鬥騎牛牛，Janet在旁做啦啦隊打氣搞氣氛，一家甚為融洽。Kadin坦言嗜好和性格「遺傳」自父親，喜歡直升機，又愛演戲和彈琴，近年想試做演員拍戲。Michael知道囝囝心意，暗中幫忙安排：「我問人有冇機會畀我個仔試吓，嚟緊佢會試拍一套短片電影，我哋有可能一齊拍，但依家仲未講得住。」提到拍拖問題，當Kadin自認冇拖拍時，即場被父親嘲笑：「講大話，你有好多女仔朋友，係咪發燒？」Janet談及子女的可愛之處時，不禁眼濕濕，Kadin忍不住大讚Daddy媽咪是一個稀有組合。
場地：Pure Fitness