已有兩年沒有公開露面的房祖名，前晚於台灣以品牌董事身份現身派對，身為父親的成龍，除力薦他擔任要職外，更以行動一日走兩場撐到底，愛子之情表露無遺！雖然兩人前後腳現身，但仍穿上格仔父子裝互相呼應。
派對上，祖名邀請好兄弟柯震東、張小燕、蔡康永及林俊傑等出席，不過未有受訪，只肯站於布景板前拍照，逗留片刻便匆匆入場，但久未露面的他精神飽滿，身形比以往圓潤。而當日下午時分，成龍則以該品牌股東身份現身活動，直言藝人不能當一世，故推薦祖名當品牌董事，讓兒子從中學習做生意。談到父親節將來臨，成龍笑指父子二人平日幾乎不通電話，更爆祖名曾於父親節來電，結果被他喪鬧一餐，嚇得祖名不敢再犯，從此沒有再致電他，他說：「當時佢好開心咁同我講父親節快樂，但我鬧佢唔好同我講咩生日快樂、父親節快樂，要日日打畀我。」
不過及後成龍又打趣說：「其實都係唔好打畀我好，因為一打嚟一定係有咩事發生。」更指平日與兒子溝通少，但也會偶爾鼓勵他，認為外間把祖名與自己比較實在不公平，惟他是成龍兒子乃鐵一般事實，故也沒有辦法。提到祖名與歐陽娜娜傳緋聞，曾與娜娜合作的成龍亦大讚對方：「結果係真都幾好，娜娜唔錯呀！」