RubberBand想歌迷撐本地薑

樂隊RubberBand（RB）與Yellow！（野佬）前晚假九展舉行音樂會，現場設有飲酒區，讓歌迷睇騷時盡情暢飲。音樂會尾聲，RB主音6號有感而發：「雖然有啲樂隊未必咁順利，但希望大家留意香港人玩嘅音樂，無論係普通話、英語咩話都好，都支持香港人嘅樂隊！」Encore時，他指世界最近發生了很多不快事，期望世界和平。
6號與小胡（左）難得同台，唱到唔捨得完騷。
6號與小胡（左）難得同台，唱到唔捨得完騷。

RB和野佬在後台受訪時，直言很難得同台演出，故不捨得落台，期待再合作開騷，吸引更多歌迷入場，並揚言：「下次要去紅館開騷！」提到林敏驄的紅館騷發生塌台事故，RB成員泥鯭及阿偉即問候工作人員，期望傷者早日康復。問到騷前可有做足安全措施？他們說：「舞台都係一個危險地方，但信任工作人員。」

小胡High到狂舞。
  • 小胡High到狂舞。
蔣怡捧場撐RB及野佬。
  • 蔣怡捧場撐RB及野佬。