衛詩雅憧憬NBA現場求婚

藝人衛詩雅昨日於觀塘出席NBA總決賽觀戰派對，她表示愛睇籃球賽，過往亦會陪男友睇波，但往往會被撇下：「初時會同你睇，之後就撇低你同朋友睇，可能佢覺得有個女仔喺度唔自在，希望第日搵個男友會帶我去現場睇球賽。」她笑言到現場睇NBA是其夢想，更讚於球賽求婚相當浪漫：「聽過有人喺NBA現場求婚，好有型，好浪漫。（如果有人向你咁做就嫁？）到時先算！」

衛詩雅又透露男士擅長運動會加分，昔日擔任籃球校隊後備的她，自爆曾暗戀球隊學長：「當時冇嘢做就去望吓佢打波，係少女必經階段。」

衛詩雅出席籃球賽活動，被現場的布偶熱情獻吻。
  • 衛詩雅出席籃球賽活動，被現場的布偶熱情獻吻。