麥明詩 麥美恩big爆旺角

藝人麥明詩（Louisa）及麥美恩昨日到旺角為big big channel拍宣傳片，Louisa計劃網上教小朋友做功課，更說不定會效法舊愛林作玩cosplay，為channel吸粉絲。
（左一）余思霆、（左二）麥美恩、（右二）麥明詩、（右一）張寶兒<br>四位靚女與大明猩於旺角街頭起舞。
（左一）余思霆、（左二）麥美恩、（右二）麥明詩、（右一）張寶兒
四位靚女與大明猩於旺角街頭起舞。

麥明詩、麥美恩（Mayanne）、張寶兒及華姐冠軍余思霆昨日以醒目橙Tee配短褲打扮，到旺角行人專用區為big big channel拍宣傳片，並與吉祥物大明猩及多位舞蹈員手舞足蹈，場面墟冚熱鬧，吸引大批途人圍觀，龍友喪影。

學林作玩cosplay

近日天氣炎熱，Louisa說：「本來都有啲擔心會好熱，但嚟到見到啲大明猩嘅衣着，即刻覺得好涼快。（你構思咗啲咩放喺你個channel？）之前我教小朋友做功課，公司覺得反應幾好，我打算放喺channel度。（效法林作玩cosplay？）如果係我，我會反串扮男仔，應該可以好型好man。（網民可能想睇你着泳衣？）咁就係做番自己，唔係扮啦！」

麥美恩（左）與麥明詩為個人channel各有諗頭。
  • 麥美恩（左）與麥明詩為個人channel各有諗頭。
麥明詩（左）與張寶兒影番張靚相先！
  • 麥明詩（左）與張寶兒影番張靚相先！
麥美恩靠小風扇散熱。
  • 麥美恩靠小風扇散熱。

公開「私人對話」

Mayanne坦言事前為宣傳片專登排舞，她說：「好開心可以幫big big channel逼入人群拍攝宣傳片，大家情緒好高漲！（會放咩喺你個channel？）我想同網上嘅巴打、絲打做啲私人對話，因為佢哋一路以嚟對麥美恩好好，做打手。（私人對話喺channel度公開？）係呀，咁咪有排拍囉！」

文：影視組