走近塌台嚇親觀眾 Alan以笑遮(火羅)
林敏驄作品展頭場嘉賓陣容強勁，包括太極樂隊、古巨基、薛凱琪、李思捷、梁漢文與林敏驄家姐林敏怡等，騷前大會已「溫馨提示」嘉賓勿行近曾發生塌台的圓形升降台，但樂隊Mr.主音Alan（布志綸）仍行到該台邊，有觀眾即驚叫：「唔好！」工作人員見狀火速上前阻止，並指示他「安全地帶」，他惟有以笑遮醜行落台。
另一嘉賓梁漢文（Edmond）受訪時稱因曾塌台而不會再踏事發地：「原本我哋喺台中有少少嘢，後尾改咗企側邊，係冇咗舞蹈員。」當鄭伊健上台時，阿驄「玩嘢」叫他行去升降台，伊健即怕怕說：「唔好喇啩！」同台的邵音音則說：「你依家整咗個窿喺度，有台又上唔到。」阿驄就扯開話題講伊健：「打畀佢叫佢嚟嗰陣，佢揸緊車，小心撞到蒙嘉慧。」認真大吉利是！
