性感天后「籮霸」珍妮花露柏絲跟前棒球巨星Alexander Rodriguez（A-Rod）拍拖僅3個月，男方卻被爆背後一直有「炮友」，對方更讚他床技出眾及愛玩3P！
47歲「籮霸」珍妮花露柏絲（Jennifer Lopez）的桃花運認真麻麻，繼舊愛Drake被爆跟前脫衣舞孃「搞出人命」後，拍拖僅三個月的現任男友A-Rod亦被爆搭上健身模特兒Lauren！Lauren聲稱於2011年時認識A-Rod，二人維持長達5年的性關係，上月男方出Trip時仍約她到酒店幽會，平時還會玩Phone Sex。
Lauren又爆料指A-Rod曾向她形容籮霸為「40幾歲嘅女人」：「佢（A-Rod）同籮霸上床時，可能都係諗緊我！佢有偷窺癮，又鍾意我着高跟鞋同性感內衣，着到好似學生妹咁。」她激讚A-Rod床技好，指男方已割包皮及愛玩3P，最尾仲送上一句贈興：「（籮霸）如果信佢（A-Rod）忠誠就真係蠢。」
不過，Lauren爆大鑊前被指以私密短訊威脅A-Rod，要求對方畀60萬美元（約468萬港元）作為「掩口費」，但遭對方拒絕，更考慮報警告她勒索。雖然是非多多，但籮霸與A-Rod懶理傳聞，前日被拍得齊齊搭私人飛機出發去賭城。
文：外娛組