袁澧林唔愛蒲做爛瞓豬
「文青女神」袁澧林昨日出席化妝品活動，她自爆昨日是男友的生日，問到怎樣慶祝？她說：「我整咗個生日蛋糕畀佢，都幾年冇整蛋糕，希望呢一個成功。（平時有冇一齊煮飯仔？ ）睇時間啦，不過我比較少煮嘢食。 （拍咗拖幾耐？）兩年，佢係圈外人，叫文傑MK。（有冇結婚打算？ ）咁後生唔會諗住。」
袁濃林又自嘲是宅女，平日不用開工都會留在家中：「最近工作比較忙，所以唔使開工都想留喺屋企睇吓戲、叫外賣，同埋我習慣咗晚睡晚起，唔使做嘢都會瞓到好晏，我要瞓10個鐘以上。（你係睡寶寶？ ）都係，要瞓好多。」提到早前她與藝人廖碧兒合作拍劇，有傳對方怕被她搶去風頭而黑面，她笑說：「佢點會驚我？我覺得佢好靚，我哋都幾friend，有時會一齊講笑話。」
