楊卓娜毀容食回頭草
藝人楊卓娜日前為無綫新劇《燦爛的外母》拍攝一場毀容後的戲份，雙眼及手部遭舊情人弄傷，要靠前夫林嘉華救駕。她透露化妝需時兩小時，又要素顏上陣，笑言要衝破自己的心理關口！
藝人楊卓娜與林嘉華等，日前為無綫新劇《燦爛的外母》拍攝外景戲，向來是靚靚人辦的楊卓娜今次認真大犧牲，遭飾演舊情人的鄭子誠毀容！拍攝前需花上長時間化妝，又要素顏上陣，她笑言要過到自己的心理關口。受訪時，她透露每次化手部及面部的「毀容裝」，加上整頭時間，足足需時兩小時：「基本上要素顏，要過到自己嘅心理關口。」
冇自信搵窿捐
該場口講述楊卓娜被毀容後失去自信心，懼怕旁人的目光，要由飾演其前夫的林嘉華救駕，她說：「之前有一場戲講我匿入商場廁所，怕人、又冇乜自信，淨係信嘉華哥，要佢嚟救我。（佢飾演你前夫？）我、佢同姚子羚有三角關係，講我多年前離開嘉華哥，堅持要移民去加拿大，後來同鄭子誠發生咗感情，變咗好似出咗軌。後來子誠對我唔好，我返番嚟搵嘉華哥。」
文：影視組