黃文意積極操Fit全裸晒背
藝人黃文意（Mandy）因在無綫節目《3日2夜》大騷36D豐滿上圍而人氣急升，對於會否以更大膽造型演出，她自言背部全裸為底線，不過暫時未滿意身形，正積極做運動收身，望以最佳狀態出戰。
擁36D驕人上圍的藝人黃文意（Mandy），性感演出無綫旅遊節目《3日2夜》後，不但獲封新一代咪神，工作機會更接踵而來。對此Mandy表示要感謝節目監製及工作人員：「因為自己仲係新人冇咩經驗，所以拍攝時有好多蝦碌位，好彩監製、導演同其他工作人員一直幫我，亦因為佢哋拍得好，吸引網民去睇，先多咗人識，好多謝佢哋。」其性感形象已經深入民心，問到會否以更大膽造型演出，為藝術犧牲？她坦言暫時不會：「唔會住喇，對自己嘅身形未滿意，就算犧牲都要減一減先！（有冇底線？）最多可以背面全裸，因為對自己白滑玉背都幾有信心。」
向視后偷師
Mandy早前更一嘗拍劇滋味，有份參與台慶劇《誇世代》的演出，並與視后田蕊妮有對手戲，她說：「好開心可以參與拍劇，呢套劇班底好強，自己都有幸同一班前輩合作。（最期待同邊個合作？）一定係視后田蕊妮，因為佢好好戲！咁啱我同佢將會有對手戲，到時可以趁機偷師。」
挑戰泳衣騷
提到夏日已來臨，陸續有不少泳衣品牌舉行泳衣騷，Mandy自言不介意擔任模特兒行騷，不過大前提還是收身先：「唔介意健康嘅性感，如果有邀請會試吓。不過未滿意自己身形，依家努力減緊肥，每日都有跑步同配合清淡飲食，望以最佳狀態迎戰。」
文：專案組