歌手李克勤昨日到電台宣傳新碟及紅館個唱，提到新歌《五十路》是講述甲蟲車：「我其實一直好鍾意甲蟲車，我一生人最任性嘅一件事，就係連屋企人都唔知，喺英國訂咗架1968年嘅真甲蟲車返嚟，古董嚟，但唔係好貴嘅，十幾廿萬。」又指令父親有微言，因為這架甲蟲車有近50年歷史：「佢問我架車會唔會喺中環跪咗喺度o架，但好好彩，我上網訂係唔知個Condition係點，依家嚟咗香港喇，好好，入面同出面有九成嘅嘢都係Original，因為呢架車喺英國係展覽o架咋，又畀我咁符碌咁買到好嘢！」
提到香港老牌球會南華自願降班一事，克勤坦言覺得惋惜，因他小時候已是南華的擁躉。